အောက်စီဂျင် ၊ ရေ ၊ အစားအစာ
လူဖြစ်မှု ဆက်တည်ရေး
ဒါတွေအပြင်
ကဗျာ၊ အရက် ယမကာနဲ့
မာရီယာ
နိုင်ငံရေး ၊ စစ်ရေး ၊ ကမ္ဘာ့အရေး
မန်ယူပွဲ ၊ လီဗာပူးပွဲ ၊ လဗိုက်
လန်ဘော်ဂီနီ၊ လော်ရယ်
စသဖြင့် နဲ့
အချစ် အမုန်း ခင်မင်မှု
လူလူချင်း စာနာထောက်ထားမှု
များကို အမြင်တင့်လိုပါက ချခါနီး ဖြူး
အရသာ ရှိစေရန်
ရမ္မဆန္ဒများများ
စည်းကမ်း လူ့ကျင့်ဝတ် စားပွဲတင်ဇွန်း ၂ ဇွန်းခန့်၊
တရားပွဲ လည်းသွား
ဖာတန်း လည်း မအား
မဃဒေ၀ လင်္ကာ ၊ ဓမ္မပဒ ဖတ်
ပွန်းဆိုက်များကိုလည်း လက်မလွတ်နှင့်
ကျော်ပါ ၊ ခွပါ ၊ နင်းပါ ၊ ပြုပါ
အမြင်လေးကို စောင်း
အိပ်မက်တွေ အများကြီးမက်
ဂန္ဒီက ဗိုလ်ချုပ်အောင်ဆန်းက
မာသာ ထရီဇာ က ဂေါတမက
သခင်ယေရှု က တမန်တော် မိုဟာမက်က
အဲလို အဲလို အဲလို
သိပ်လှတာပေါ့
သိပ်လှတာပေါ့ လို့
တစ်ရက်ကို သုံးခါ တိတိမပြည့်မချင်း မြည်တမ်း။
ဘာသာတရားအကြောင်း ပြောလိုက်
ဘာသာစကား အကြောင်းပြောလိုက်
ဝင်လာမယ် နိုင်ငံရေး အချစ်ရေး အိမ်ထောင်ရေး
စားဝတ်နေရေး၊
သိပ်မိတာပေါ့ ကိုလူလင်းရာ
သိပ်လန်းတာပေါ့ ကိုသီဟရာ
လူလူချင်းပေါင်းသင်းဆက်ဆံနေရတာ
ဘုမသိ ဘမသိ လူဖြစ်လာရတာ
ခပ်တည်တည်နဲ့ အဖြေထုတ်ပြလိုက်တယ်
ခပ်တည်တည်နဲ့ ကဗျာ ဖတ်ပြလိုက်တယ်
ခပ်တည်တည်နဲ့ စာရေး ပြလိုက်တယ်။
ဟေ့လူ ရိုးလာရင်
နောက် တစ်ယောက်ပြောင်း ဆိုတော့
အရိုးလေး ကျန်သေးတယ် ဟ ဆိုတာ ရှိသေး
ဘာနဲ့အသက်ရှင်လဲ ဆိုတော့
ငွေက အရေးမကြီးပါဘူး ရွှေက အရေးမကြီးပါဘူး နဲ့
အင်း.... အဲ..။
ခက်တယ်
ကိုယ်လည်း ဘာအကြောင်းပြချက်နဲ့
အသက်ဆက်ရှင်ရမလဲ တွေး၊
သောနုတ္တရ မုဆိုးကို သွားသတိရမိ။
ကြုံရင် မေးချင်သေးပါရဲ့
မာယာကော့စကီး တို့ ကက်ကိုဘိန်းတို့လို၊
ဘာအကြောင်းပြချက်နဲ့ အသက်ရှင်ရမလဲ ဆိုပြီး သွားမဆွေးနဲ့
အသက်ရှင်ဖို့ ဘာတွေလိုမလဲ၊ ဆို ဆို ပြီးသာ ဆွေး။ ။
ထွန်းနွယ်
(၆.၁၁.၂၀၁၀)
No comments:
Post a Comment