Popular Posts

Thursday, October 14, 2010

ဂျူး စပ်မိစပ်ရာ ဂျူး ဂျူး ဂျူး

ဂျူး ဆိုတာ ကျွန်တော်တို့ တန်း မှာ လုံးဝ မသိမဖြစ် တဲ့ စာရေးဆရာမ တစ်ပါး ကဲ သူ့အကြောင်းလေး ကို စပ်မိစပ်ရာ လေပစ်ခဲ့ကြပုံ က

me:ခင်ဗျား က ဂျူး ပေ့ ကို တည်ထောင်သူတစ်ယောက်အနေနဲ့
ဂျူး စာအုပ်တွေ ကို ဘယ်အချိန်က စဖတ်ဖြစ်ခဲ့တာလဲ

20: ကျတော် ဆယ်တန်းပြီးမှခင်ဗျ

me: ပထမဆုံး ဂျူးစစ် စစ် ကို စတွေ့ခဲ့တာလား
ဒါမှမဟုတ် ဒုတိယအကြိမ် တတိယအကြိမ်လောက်မှ
စတွေ့တာလား။

20: ကျတော် ချစ်သူလား စကားတစ်ပွင့်ပွင့်ခဲ့တယ် ကိုဖတ်ပြီး ဂျူးကို ပက်ပက်စက်စက် ဆဲခဲ့ဖူးပါတယ်
(အဲ့တုန်းက ကျတော် ၁၆ နှစ်သားကို သတိချပ်)
me: ဟုတ်ပြီ အဲ့ ၀တ္တု ထဲက ဇာတ်ကောင်ဟာ
ခွန်သာပေါ့ဗျာ ပြောရမယ်ဆို သူ့ကို အမျိုးမျိုး ယူ နေကြတာ တွေ့တယ်

20: အမှန်ပဲခင်ဗျ

me: ကျွန်တော်အနေနဲ့ ဒါ သက်သက် ထင်အောင်လုပ်ထားတာလို့ ယူဆတယ်
ခင်ဗျားအနေနဲ့ကကော

20: ဒါ မေးနေစရာမလိုဘူးဗျ
ကျတော် ၁၆ နှစ်သားတုန်းက သူဖန်တီးထားတဲ့ဇတ်ကောင်ကို သူမနိုင်တော့လို့ အူကြောင်ကြောင်နဲ့ အဖြေတစ်ခုမပေးဘဲ သိမ်းပစ်ခဲ့တာလို့ ထင်ခဲ့ဖူးတာပေါ့
ခုမှ သူတမင်လုပ်မှန်းသိတယ်ဗျာ့

me: ဂျူး လို့ စသိရင် အမှတ်တရ ကတော့ ပြောစမှတ်ပဲဗျနော်
ဂျူးရဲ့မော်ဒန် အဆန်ဆုံးလို့ တော်တော်များများ ယူဆကြတယ်
ခင်ဗျား အနေနဲ့ရော

20: အမှတ်တရကတော့ ပရိသတ်အများစုအတွက် အမှတ်တရပါပဲ
ကျတော်က တော့ မပါဘူးခင်ဗျ
အမှတ်တရက အဲ့လောက်ကြီးလည်း မဟုတ်လှပါဘူး
အမှတ်တရထက်သာတာတွေ အများကြီးပါ

me: ဂျူး ဟာ တစ်ချို့ ၀တ္တုတွေမှာ ဇာတ်လမ်းဖန်တီးမှု ကို အားကိုးလွန်းတယ်လို့မထင်ဘူးလား

20: ဟာ
ခင်ဗျား သေချာမှဖတ်ရဲ့ လားဗျ
ဂျူး ဟာ ဇာတ်လမ်းကို လုံးဝလျစ်လျူရှုတတ်တဲ့သူခင်ဗျ
သူက ဇာတ်ကောင်တွေကိုဖန်တီးပြီး
သူတို့လှုပ်ရှားတာကိုပဲ ရေးသွားတာ

me: တခါတလေ လှုပ်ရှားမှုတွေဟာ တိုက်ဆိုင်လွန်းမနေလွန်းဘူးလားဗျာ

20: ဥပမာအားဖြင့် ........

me: မင့် ဥပမာ ကလည်း

20: ဂျူး ၀ထ္ထုတွေထဲမှာ ဇာတ်အိမ်ကောင်းပါတယ် ခိုင်ခံ့ပါတယ်ဆိုတာ
ပင်လယ်နဲ့တူသော မိန်းမများ နဲ့ ကြေမွသွားသော တိမ်တိုက်များအကြောင်းလောက်ပဲခင်ဗျ

me: ဒီဝတ္တု ၂ ပုဒ်ကိုတော့ ကျွန်တော် လုံးဝမကြိုက်ဘူးဗျ
ဂျူးကို ၀တ္တုတို ပိုကြိုက်တယ်
ဝတ္တုတိုမှာ ဂျူး ရဲ့ အမှန်ကို ပိုမြင်ရတယ်လို့ထင်တယ်

20: လွတ်လပ်စွာ ကွဲလွဲခွင့်ရှိပါတယ်ခင်ဗျာ
တခါတလေမှာ ၀ထ္ထုတိုတွေက ပိုပြီးတာသွားတာတွေ ရှိတတ်ပါတယ်
ကျတော် ဖတ်တာက ဂျူးကို ရှာဖွေတာ မဟုတ်ဘဲ
ဂျူး ပေးသွားတဲ့ ရသ တစ်ခုခုနောက်ကို လိုက်နေတာပါ
အကိုက ဂျူး ကိုရှာချင်တယ်ဆိုရင်တော့ တစ်မျိုးပေါ့

me: ဒါဆို ဂျူး ၀တ္တု ဟာ ရသ အမျိုးမျိုး ပေးနိုင်တယ်လို့ဆိုနိုင်မလား

20: ဂျူးက ရယ်စရာနဲ့ ကြောက်စရာ မရေးဘူးဗျ
ခုခေတ် သရဲဝထ္ထုတွေလိုမျိုးပေါ့
တချို့ က ရယ်စရာ
တချို့ က ကြောက်စရာ

me: လူတော်တော်များများက ဂျူး ပေးတဲ့ရသ ထက် ဂျူး ရဲ့ဇာတ်ကောင်တွေကို
ပို စွဲလန်းကြတာတွေ့ရတယ်
ဘာလို့လို့ခင်ဗျားထင်လဲ

20: စွဲလမ်းစရာကောင်းလို့ ပေါ့
ဒါက အရိုးရှင်းဆုံးဖြေတာ
ဇာတ်ကောင်တွေဟာ စွဲလမ်းစရာကောင်းတယ်

me: ကျွန်တော့်အမြင်နဲ့ပြောရရင်
နဂိုရှိနေတဲ့ မြန်မာ့လူနေမှု အဖွဲ့အစည်း ကနေ ကင်းကွာနေတဲ့ ဇာတ်ကောင်တွေ

20: မှန်သင့်သလောက်မှန်ပါတယ်
ဒါပေမယ့် အားလုံးမဟုတ်ဘူး
အများစုလို့ကိုပြောလို့မရပါဘူး
မြန်မာအမျိုးသမီးထုကို ကိုယ်စားပြုတဲ့ ဇာတ်ကောင်တွေက ပိုများတယ်လို့ ကျတော်ထင်မိပါတယ်

me: ကိုယ်စားပြုတာ မှန်ပါတယ် တွေးပုံတွေးနည်း စဉ်းစားပုံစဉ်းစားနည်းမျိုး တွေဟာ
သူဝတ္တု ထွက်တဲ့အချိန်မှာတော့ လုံးဝ မရှိသေးတဲ့ပြင်ပဘ၀ကလူပါ
နောက်မှ အဲ့ဇာတ်ကောင်တွေက လူတော်တော်များများ အားကျ လိုက်ကျင့်ကြံတဲ့အထိ လွှမ်းမိုးနိုင်တာတွေ့ရတယ်
ဒီအပေါ် ခင်ဗျားအမြင်ပြောဗျာ
ကျွန်တော်လည်းသိပ်မမေးတတ်ဘူး

20: လုံးဝ မရှိဘူးလို့တော့ ပြောလို့မရဘူးဗျ

me: ဟုတ်

20: ထပ်တူညီတဲ့သူမရှိဘူးလို့ ပြောရမယ်ထင်တယ်
ဒါပေမယ့် အဲ့လိုဇာတ်ကောင် အတွေးတော်တော်များများကို ခုခေတ် generation မှာကျတော်တို့ တွေ့ရပါတယ်
ပြီးတော့ စွဲလမ်းတယ်ဆိုတာက ဇာတ်ကောင်တွေဟာ
ထူးခြားမှုရှိရမယ်
သူတို့ထူးခြားတာက အတွေးအခေါ်ပိုင်းပေါ့လေ

me: အင်း

20: ဇာတ်ကောင်တွေရဲ့  အတွေးတွေ၊ ဘ၀နေထိုင်မှုစရိုက်တွေဟာ တော်တော်လေးကို လွှမ်းမိုးလာတာ တွေ့နိုင်တယ်

me: တချို့ဆို အိုက်ဒယ် တွေတောင်ဖြစ်နေတာမျိုးဗျ
ဂျူး ကအဲလို မရည်ရွယ်ခဲ့တာတော့အသေအချာပဲ
ဒါပေမယ့် ဖြစ်လာတယ်ဗျာ
တောင်းဆိုလာလို့ လို့ ဆိုလို့ရမလား

20: ခေတ် လို့ပဲ ကျတော်ထင်ပါတယ်
အိုက်ဒယ်ဖြစ်တယ်ဆိုကတည်းက ကြိုက်မှ
ဘာလို့ကြိုက်သလဲဆိုတော့ တူလို့ပေါ့
လူတွေဟာ သူတို့နဲ့တူလို့ ကြိုက်ကြတာချည်းပဲ
ကြိုက်လို့ တူချင်လာတာလည်း ရှိတယ်
ဂျူးကြောင့် လို့ပြောလို့မရပါဘူး

me: ကျွန်တော်အထင် သွားစရာလမ်း အသစ်တခုကိုတွေ့သွားလို့များလား

20: အမှန်ပါပဲ
လမ်းက အသစ်မဟုတ်ပါဘူး
ရှိပြီးသားလမ်းကို ဂျူးက အရင်သွားပြခဲ့တယ်ပြောရမလား
ဂျူးထက်အရင်တောင် ကြည်အေးက သွားခဲ့သေးတာပဲ

me: ကြည်အေး က ပြင်းထန်လွန်းတယ်မထင်ဘူးလားဗျ

20: လက်ခံပါတယ်
ကြည်အေးကတော့ ရှာမှရှားပါပဲ

me: ဒီတော့ အပျော့သွင်း က ပို ပေါက်သွားတယ်ဆိုရမှာပေါ့
ခိခိခိခိ

20: ဒါက ခေတ်ကို ပြန်ကြည့်ရဦးမယ်ဗျ
ကြည်အေး ခေတ်က လူငယ်တွေက
ဂျူး ခေတ်ရဲ့  လူကြီးတွေကိုး

me: ဒါပေမယ့် ဂျူး ကို ပဲ လူတိုင်း ယူပုံက ကွာကြတယ်ဗျ
အသက်အရွယ်ကွာတာနဲ့မျှ ယူ ပုံ ယူနည်းကွာနေကြတယ်

20: ကျတော်တို့က လူသားတွေပဲဗျ
ခံယူချက် အမျိုးမျိုးနဲ့ပါပဲ
ခင်ဗျားနဲ့ ကျတော် အသက်ချင်းတူတူတောင်
ယုံကြည်ချက် ကွဲလွဲတာလေးတွေရှိကောင်းရှိမယ်
ထုံးစံပါပဲ

me: ဒါကတော့ လက်ဖြန့်ထားရမယ့် ခေတ်ရောက်ပြီကိုး
ခုနောက်ပိုင်းဂျူးအကြောင်းပြောကြတာပေါ့ဗျာ
ဂျူးက ခုနောက်ပိုင်း သူ့ဝတ္တုတွေဟာ ပရဟိတ ပုံမျိုး ပိုပေါက်နေသလားလို့

20: နောက်ပိုင်းဂျူးကို ကျတော် မကြိုက်တာ အမှန်ပဲ

me: ဒါပေမယ့် လူကြီးပိုင်းတော်တော်များများက ကြိုဆိုကြတာ ...

20: ဂျူးက ကျတော်တစ်ယောက်တည်းဖတ်ဖို့ရေးတာ မဟုတ်တော့ အခက်သားကလား
သူ့အသက်အရွယ်အရ သူ့ယုံကြည့်ချက်တစ်ခု ပြောင်းသွားတယ်
ရိုင်းရိုင်းပြောမယ်
သူမသေခင် တစ်ခုခုလုပ်ပေးချင်ခဲ့ပုံရတယ်
ခက်တာက ရသ တွေမချန်ခဲ့ပဲ
ပညာပိုင်းတွေ ၊ ပတ်ဝန်းကျင်ဆိုင်ရာတွေဖြစ်လာတယ်
လူငယ်အားမာန်ဘာဘာညာညာ ဖြစ်လာတယ်

me: ကျွန်တော်ကတော့ အခြေခံကို ပြန်ဆင်းတယ်လို့ထင်တယ်
ရ သ ဆိုတာ အဲ့အခြေ ခံပိုင်းအားကောင်းတဲ့လူတွေမှ ရမယ့်အရာမျိုး
ဆိုတော့ကာ

20: လွဲပြီထင်တယ်ဗျ
ကျတော်ကတော့ ပါရမီပဲ
အခြေခံဆိုတာဘာကိုပြောသလဲ

me: ရ သ ခံစား နိုင်မှု ပညာ အသိ ညာဉ်
တခြားသော ရုပ်ပိုင်းဆိုင်ရာ အကြောင်းအရာများ

20: တကယ်လို့များ ဂျူးဟာ ခင်ဗျားပြောသလိုလုပ်နေတာ ဆိုရင်တော့ အတော့်ကို မိုက်မဲတယ်ပြောရမယ်
ငယ်ငယ်က ခံစားနိုင်မှုကို ပြန်လည်တည်ဆောက်နေတယ်လို့တော့
ကျတော်လုံးဝမထင်တာ အမှန်ပဲ

me: လူတွေ ဟာ အသက်ကြီးလာတာနဲ့အမျှ လှလှ ပပ မိုက်မဲ တတ်ကြတော့ဗျာ
ကျွန်တော်တို့ချစ်တဲ့ ဂျူးလည်း......
ကျွန်တော်ဆိုလိုတာ က .. စာဖတ်သူတွေကို
ခင်ဗျားပြောသလို တခုခု ကျန်ရစ်ခဲ့ချင်တာမျိုးပေါ့ဗျာ
လုပ်သွားချင်တာမျိုးပေါ့

20: ဟုတ်တယ်
ကျတော်ပြောခဲ့တာက သူချန်ရစ်ခဲ့ချင်တဲ့ ယုံကြည်ချက် ပြောင်းသွားတယ်
ဒါကိုပြောတာ
သူ ပညာပေးဆိုင်ရာ သုတစာပေတွေပေးချင်လာတယ်
ဒါကို ရသပိုင်းရေးဖို့ အခြေခံပြန်ဆင်းတာဆိုတာတော့
ကျတော် လက်မခံနိုင်ဘူးဗျ

me: တကယ်လိုအပ်တာ ရသ ပိုင်းမဟုတ်ဘူးလို့ သူခံယူ သွားပုံ ရတယ်လို့
ဆိုလို့ ရနိုင်ပါ့မလား

20: လူတွေက သိရခက်သားလားဗျာ
အတိအကျပြောလို့ မရတာတော့ အမှန်ပဲ
ကျတော်က ထင်တာ ပြောယုံပါပဲ
ရသပိုင်းကို ထားသင့်သလောက်ထားခဲ့ပြီးတာက တစ်ချက်
နောက်တစ်ခုက ဒီလို literal pause ဖြစ်တတ်တဲ့ အရွယ်မှာ
ရသပိုင်းတွေ အားနည်းလာလို့
ဆက်ပြီး မဖန်တီးပဲ လမ်းကြောင်းပြောင်းလိုက်တာ
အမျိုးမျိုးဖြစ်နိုင်တာပဲ

me: မြန်မာပြည်က လူတွေ တော်တော်များများက ရသ ခံစားနိုင်ဖို့ ကိုယ်ခံအား နည်းလာတာ ရိပ်မိသွားလို့များလား

20: ဒီစကားပြောလိုက်တာ ခင်ဗျားတော်တော်ရဲရင့်တာပဲ
သတ္တိကောင်းတယ်ပဲဆိုရမလား
မိုက်မဲတယ်လို့ ပြောရမလား
အဲ့လို ကောက်ချက်ချဖို့ ဟာ မလွယ်လှပါဘူး

me: မိုက်မဲ စွာ သတ္တိကောင်းလိုက်တာလို့ ဆိုလို့ရပါတယ်

20: စာဖတ်ပရိသတ်တွေကို ဒီလိုထင်ရတာက တစ်ဖတ်သတ်ဆန်လွန်းပါတယ်
စာဖတ်သူဆိုတာက စာရေးသူ ရေးတာတွေကိုဖတ်ရတာပါ
ရသပိုင်းရေးတာ နည်းလာရင် ဖတ်တဲ့သူနည်းမှာပဲ
အဓိကက ရေးတဲ့သူတွေ ဒီဘက်ခေတ်မှာ နည်းလာတာ အဓိကလို့ ကျတော်ယူဆပါတယ်

me: ဈေးကွက်စီးပွားရေးမှာ ကမ်စတမ်မာ အဓိက ကျပါတယ်

20: ဒီတိုင်းဆို ပိုပြီး အရေးကြီးလာပြီ
ခင်ဗျား ဆိုလိုရင်းက ဘာကို အပြစ်တင်ချင်နေသလဲ
ဘာကို အားမရဘူးလဲ

me: အကုန်လုံးအားရတယ်

20: မှန်တယ်ဗျာ့
အားမရလည်း ကျတော်ဘာမှမတတ်နိုင်ဘူး
ဘာမှလည်း လုပ်မပေးချင်ဘူး
ကိုယ်ခံစားသလို သူများလိုက်မခံစားရလို့လည်း ဒေါသနမဖြစ်ဘူး
ဂျူးကို မကြိုက်တဲ့လူတွေကို ငပိန်းတွေလို့လဲ ကျတော်မဆဲဘူး
ဒါ ကောင်းပါတယ်

me: ဒါလည်းမကောင်းဘူးဗျ
ဆဲချင်မှတော့ ဆဲရမယ်

20: အမှန်တိုင်းပြောတာ ကျတော်မဆဲချင်ဘူးဗျ
သူကြိုက်တာ သူဖတ်ပါလိမ့်မယ်
ကျတော် ဂျူး ဖတ်တာကိုလည်း လာမဆဲပါနဲ့
ဒါကျတော့် ခံယူချက်ပဲ

me: ခုခေတ်မှာ ဂျူး က ဂျူး ဖြစ်သွားပြီဗျ
ဂျူး မဖတ်တတ်ရင်ပဲလူငယ် မပီတော့ဘူး
ဟေ ဟေ ဟေ ဟေးး
အဲလိုတွေ ကြား နေရတာတွေလေးတွေပါ

kohtet20: ဒါကတော့ ရေစီးပေါ့ဗျာ
ရေစီးမှာ ပေါ်ချင်တဲ့ ပေါ်ပင်တွေပါ
ဘာတတ်နိုင်မှာလဲ
ဖြစ်နေကျပဲ

......................... ဟုတ်ကဲ့ ပါ ဖြစ်နေကျလေးတွေပေါ့ ဗျာ ဖြစ်နေကျလေးတွေပေါ့။

No comments:

Post a Comment